കൈ നീട്ടാതെയകന്നു , കൈയകലം
കളിവള്ളമെറിഞ്ഞ തോട്ടിൽ,
കൈകോർത്ത കടലോരങ്ങളിൽ,
ഒന്നിച്ചുറങ്ങിയ മരച്ചോട്ടിൽ...
കെട്ടിപ്പിണയാതിരിക്കാൻ
നടന്നേറെ മറുവഴി.
വഴിമറന്നോടിയോടിയ
വഴിയകലം നിന്ന് കിതച്ചു,
പുകമറയിൽ തിരഞ്ഞ്,
കേൾക്കാത്ത പാട്ടുകേട്ട്,
കാണാതെ കരഞ്ഞ്,
നിനക്കരിലെത്തുമ്പോളറിയാം
തിരിഞ്ഞെന്നെ വീഴ്ത്തുന്നതെല്ലാം
നിന്റെ രാത്രികൾ,
നിന്നെയുറക്കാതെ ഞാനടർത്തിയത്.
No comments:
Post a Comment