ജനലരികെയിരിക്കാൻ എന്നോട്
വഴക്കിട്ട പ്രിയ കുട്ടി,
നിനക്കൊപ്പമിരുന്നപ്പോഴാണ്
ഉത്തരങ്ങളിൽ കാക്കകൾ പറന്നത്
അടിപാടുകളെന്നെ തഴുകിയത്
എളുപ്പമറിയാത്തവരുടെ പേടി
തീരുന്നേയില്ലെയെന്നറിഞ്ഞു
കുടുകുടാ ചിരിച്ചത്
തോറ്റവരെന്റെ കൂട്ടുകാരായത് ...
തോറ്റ വഴക്കങ്ങളിൽ
ഒരു പാളി തുറന്ന ആകാശങ്ങളെ
ഓരോന്നായ് ചാരുമ്പോൾ
മേഘങ്ങളിൽ തൂങ്ങിയാടിയ ഞാനും
കിനാവും കവിതയും
മുറികളിൽ ശ്വാസം കിട്ടാതെ
ജനൽ കമ്പികളിൽ തലതല്ലി വീണു
വേദന ചിരിച്ചു തീർക്കാനാവില്ലെന്നറിഞ്ഞിട്ടും,
നിനക്കൊപ്പമിരിക്കാൻ പഠിച്ചതെല്ലാം മറന്നിട്ടും ,
തോൽവികളിലെ എളുപ്പം ഇന്നെത്രയകലം.
വഴക്കിട്ട പ്രിയ കുട്ടി,
നിനക്കൊപ്പമിരുന്നപ്പോഴാണ്
ഉത്തരങ്ങളിൽ കാക്കകൾ പറന്നത്
അടിപാടുകളെന്നെ തഴുകിയത്
എളുപ്പമറിയാത്തവരുടെ പേടി
തീരുന്നേയില്ലെയെന്നറിഞ്ഞു
കുടുകുടാ ചിരിച്ചത്
തോറ്റവരെന്റെ കൂട്ടുകാരായത് ...
തോറ്റ വഴക്കങ്ങളിൽ
ഒരു പാളി തുറന്ന ആകാശങ്ങളെ
ഓരോന്നായ് ചാരുമ്പോൾ
മേഘങ്ങളിൽ തൂങ്ങിയാടിയ ഞാനും
കിനാവും കവിതയും
മുറികളിൽ ശ്വാസം കിട്ടാതെ
ജനൽ കമ്പികളിൽ തലതല്ലി വീണു
വേദന ചിരിച്ചു തീർക്കാനാവില്ലെന്നറിഞ്ഞിട്ടും,
നിനക്കൊപ്പമിരിക്കാൻ പഠിച്ചതെല്ലാം മറന്നിട്ടും ,
തോൽവികളിലെ എളുപ്പം ഇന്നെത്രയകലം.
